ძველი კასეტა

  ერთ ძველ კასეტას მივაკვლიე და წარსულიც გავიხსენე…

 საერთოდ  ჩანაწერებში  ეს მომენტი ზედმეტადაც კი  წარმოვაჩინე, მაგრამ  ბუნებრივიცაა ….    მომხდარის გახსენება ხშირად აწმყოში საკუთარი ფუნქციის გაცნობიერებაში გვეხმარება. გაკვეთილი შესაძლოა ნაკლებად გამოგვაქვს , მაგრამ მაინც სასიამუვნოა, ცოტა სევდიანიც.კასეტის დასაწყისი “ახალგაზრდა ეროვნულ-დემოკრატების” კონფერენციით იწყება. თავის დროზე გაზეთის მოსამზადებლად გადმოვიწერე .ედეპეში სამი წელი გავატარე  და არ მიკვირს, რომ იქაურობა მეხსიერებაში მყარად  დაილექა. დიდი ხანია ამაზე ნაკლებად ვფიქრობ, თუმცა ცოდვა გამხელილი სჯობია:

-რაც დრო გადის,კარგი მეტი მახსენდება,ვიდრე ცუდი…პარტიიდან  წამოსვლის შემდეგ კობასთან  და ნინოსთან ერთად “დამოუკიდებელი სტუდენტური მოძრაობა ” გავაკეთეთ .  ჩვენს გვერდით სხვებიც იყვნენ ,მაგრამ ერთად ბოლომდე ჩვენ სამნი დავრჩით.
სამწუხაროდ ნინო  ცოცხალი აღარაა, უკურნებელმა სენმა იმსხვერპლა.

არ მინდა ნეკროლოგი დავწერო . ერთს ვიტყვი….ერთ-ერთი საუკეთესო ადამიანი და მეგობარი იყო, ვისაც ოდესმე შევხედრილვარ ქართლური პირდაპირობით, საქმის კეთების სიყვარულით .
მისმა გარდაცვალებამ გული დაგვწყვიტა, თუმცა ცხოვრება ყველას გვაჩვევს მწარე სიურპრიზებს.
ეს საქართველოს სტუდენტური ჩემპიონატის ფრაგმენტებია:

მარტო ფეხბურთი?

ათეულობით პოეზის საღამო, შემოქმედებითი შეხვედრები, გამოფენათა სერია, სადისკუსიო კლუბი, სადაც აქტუალური თემები განიხილებოდა .

ათეულობით ცოტაა 😀  მგონი მეტი, თან ეს ყველაფერი საკუთარი  სახსრებით ან ენერგიით.

დღევანდელი გადასახედიდან ფანტასტიური რეზულტატია. არა მგონია  ჩვენი რეკორდი ვინმემ მოხსნას. ამ ენთუზიაზმს ბევრი სიგიჟეში ჩაგვითვლის. ასეთები ვიყავით:)) მონდომებულნი , გულანთებულები.
შედეგი ? საქმე ვისწავლეთ, ორგანიზაციული სირთულეების გადალახვა….

 მე ძალიან დამეხმარა.

გვეხალისებოდა, ვაკეთებდით, რაც გვსურდა,თუმცა ნელ-ნელა ასაკმა თავისი ქნა, ჩვენ ჩვენი სამსახური ვიპოვეთ ….

 გარკვეული  სერიოზული პროექტები შემდეგშიც განვახორციელეთ…კასეტაში ერთი საათი მარტო ტელევიზიით ჩვენზე გაშუქებული  სიუჟეტებია.

ერთ საიდუმლოებასაც გაგიმხელთ-თუ პარტიაში თავის პოვნა გამიჭირდა, სტუდენტური ორგანიზაციის პოტენციალი ბოლომდე გამოვიყენეთ, ტკბილად დაბერდა  ის ეტაპი, ბუნებრივად დასრულდა…
ბროწეულაში მატარებელზე შეხტომა, ბათუმში სამარშუტო ტაქსში ძილი , ზოგი ბიუროკრატის გაუგებარი  ისტერია, უამრავიუ ანეგდოტური ეპიზოდი …..პოზიტივი,დიიიიდი პოზიტივი

როდესაც სტუდენტები ვიყავით: