დიდი დიღმის იუბილე

1987 წლიდან დიდი დიღომი თბილისის ორგანული ნაწილი გახდა. დღეს აქ 40-50 ათასი ადამიანი ცხოვრობს და ოთხ მიკრორაიონად იყოფა.

უბანში მოსახლეობის რაოდენობა იზრდება: ე.წ ბენდუქიძის დასახლება დაემატა, ახალი კორპუსები შენდება და იერი შესამჩნევად შეეცვალა.

უკვე სახეზეა უამრავი პრობლემა, დაგეგმარების ქაოტურობა, რაც ყურადღებას იპყრობს და თბილისში არყოფნის პერიოდში ინფორმაციებს ამ გვერდის და ჯგუფის მეშვეობით ვიღებ. გასაგები მიზეზების გამო ჩემი ჩართულობის ხარისხი მაღალი არაა, მაგრამ ჩხოროწყუელობასთან ერთად მე სრულფასოვანი დიდ დიღმელიც ვარ:)

2012 წელს უბანი ფეხით შემოვიარე. 6 წელი დიდი დროა და ბევრი რამ შეიცვალა. სანამ კიდევ ერთხელ აქაურობას აღვწერ, გუშინდელი დღის (30.09.2018) ამბებს მოგიყვებით.

წინასწარ ვიტყვი, დიდი დიღმის დაბადების დღეზე დიდხანს ვერ გავჩერდი და სრულფასოვან შთაბეჭდილებების გაზიარება არ გამომივა.

მოსახლეობის ინტერესი იყო, ინიციატივაც უბრალო ადამიანებიდან მოდიოდა და ნებისმიერი პოზიტივი გადამდებია.

მოეწყო გამოფენა-გაყიდვა

კონცერტი

საბავშვო ატრაქციონები და უფასო გართობა

პავილიონები. მოკლედ, მომეწონა

” დიდი რაგბი” დიდი ხანია ჩემი მეზობელია. ოღონდ პირველად ახლა მნახა 🙂

ახალ სკვერში საბურთალოს გამგებელი გვეწვია და რამდენიმე საკითხი ოპერატრიულად გადაწყდა. დაპირებები რეალისტურ ვადებში აღგვიქვა, ახალგაზრდებს გაესაუბრა. ყველამ დავიმახსოვრეთ და შევახსენებთ 🙂