ტელეკომპანია“იმედის“ ეთერში მიმდინარე უწყინარი შოუ სერიოზული გაუგებრობებით დასრულდა.
დაძაბულობის პირველი ეტაპი სამედიცინო უნივერსიტეტის გავარდნის შემდეგ დაიწყო. გუნდმა „იმედის“ პირდაპირ ეთერში დაადანაშაულა ტელევიზიის ჩინოსნები მიკერძოებულობაში და პროტესტის ნიშნად დარბაზი დატოვა.
ფეისბუქი დამარცხებულების მხარდამჭერების უკმაყოფილობით აჭრელდა. არ ვაპირებ დეტალების გარკვევას,იმედია ამას ჟურნალისტები მიხედავენ ,მაგრამ უცნაურია, რომ ამ დონის სკანდალი ფაქტიურად არ გაშუქდა ტელესივრცეში.
არანაკლებ უცნაურად განვითარდა შოუს ფინალი. წამყვანებმა განაცხადეს, რომ მაგთიდან ვერ იღებდნენ ესემესებს და ეს ხდებოდა ყველასათვის გადამწყვეტ მომენტში. გამოვლინდა გამარჯვებული,მაგრამ მაგთიკომის განცხადებამ სიტუაცია უფრო გაურკვეველი გახდა
უცვლელად გთავაზობთ მაგთიკომის განცხადებას:
გუშინ, 24 დეკემბერს, გადაცემაში FLASHMOB შოუ, რომელიც გადაიცემოდა ტელეკომპანია “იმედის” პირდაპირი ეთერით, გავრცელდა ინფორმაცია რომ, თითქოს კომპანია მაგთიკომის-გან არ ხდებოდა სმს-ების მიწოდება. აღნიშნულთან დაკავშირებით გვინდა გაცნობოთ რომ,
კომპანია მაგთიკომი ამ შემთხვევაში ახორციელებდა მხოლოდ, აბონენტებისგან სმს ების მიღებას და შესაბამისად ამ სმს-ების ტელეკომპანია “იმედზე” მიწოდებას. ყველა სმს-ი, რომელიც გაიგზავნა ნომერზე 1210 მიღებული იქნა მაგთიკომის მიერ და გადაგზავნილი იქნა ტელეკომპანია “იმედთან”.
გადაგზავნილი სმს-ების გარკვეულ ნაწილზე ტელეკომპანია “იმედიდან” მოდიოდა პასუხი, ამ სმს-ების მიღება ვერ მოხერხდა. გვსურს გაცნობოთ, რომ, 24 დეკემბერს მაგთიკომს სმს-ებთან დაკავშირებული არანაირი შეფერხება არ ქონია.
გუშინდელ ხარვეზთან დაკავშირებით კი ყველა დეტალი გაირკვევა ტელეკომპანია “იმედთან” ერთად, და დადგინდება თუ რატომ ბრუნდებოდა “იმედის” მხრიდან მიწოდებელი სმს ების სტატუსი მიუწოდებლად.
ამომწურავ პასუხს მოგვიანებით შეგატყობინებთ.
მადლობას გიხდით რომ სარგებლობთ მაგთიკომის ქსელით.
იმედია, ორივე კომპანია ყველას გაგვარკვევს რა მოხდა .სასაცილოა,როცა მაინცდამაინც ფინალში ამ დონის ტექნიკურ წუნს აქვს ადგილი,რომელიც კიდევ უფრო ეჭვქვეშ აყენებს ყველაზე რეიტინგული არხის ისედაც შელახულ რეპუტაციას.
You must log in to post a comment.