აღმოჩნდა, რომ მძღოლების 90 პროცენტს საჭესთან სწორ პოზაში ჯდომასთან დაკავშირებით წარმოდგენაც კი არ აქვს, რასაც, სამწუხაროდ, ხშირად ის შედეგი მოსდევს, რომ ავარიების დროს ტრავმების სირთულე გაცილებით მაღალია.
როგორც ირკვევა, შვედეთის ავტომობილისტების კავშირმა ამ ცოტა ხსნის წინათ ჩააგარა კვლევა, რომლის მიზანიც იმის დადგენა გახლდათ, თუ რამდენად მოქმედებს საჭესთან არასწორ პოზაში ჯდომა მანქანის მართვაზე და რაც მთავარია, ავარიების შედეგებზე.
ჰოდა, დადგინდა, რომ აღნიშნულ მოვლენას უსიამოვნებებთან პირდაპირი კავშირი ჰქონია. კერძოდ, საჭესთან არასწორად მჯდომი მძღოლი სერიოზული ტრავმების მიღების თვალსაზრისით გაცილებით უარეს მდგომარეობაში ვარდება, ვიდრე სწორ პოზაში მჯდომი.
ძალიან დიდ როლს თამაშობს ტრავმების შემცირების კუთხით მძღოლის სავარძელზე დამონტაჟებული თავის დასადები, რომელიც არავითარ შემთხვევაში არ უნდა იყოს დაბალ პოზიციაში, რადგანშეჯახების შედეგად კისრის გადატეხვის შანსი ასეთ შემთხვევაში მნიშვნელოვნად მაღალია. არანაკლებ გავრცელებული შეცდომა არის მძღოლის სხეულისა და საჭეს შორის დიდი მანძილის დატოვება. ყველაზე ხშირად ასეთ არჩევანს აკეთებენ მძღოლები, რომლებსაც სპორტული, ანუ ნახევრად გადაწოლილი პოზა იზიდავთ(და მარცხენა ხელი გადაყოფილი ფანჯარაში, ასფალტამდე სანტიმეტრები რომ აშორებთ)
გარდა ამისა, შვედი სპეციალისტების განმარტებით, მძღოლის ჯდომა მაშინ მიიჩნევა სწორად, როცა კონუსზე ბოლომდე დაჭერის შემთხვევაში ფეხი მაინც მოხრილი რჩება. არ უნდა დაგვავიწყდეს არც უსაფრთხოების ღვედის სწორი ფიქსაცია: კერძოდ, იგი არავითარ შემთხვევაში არ უნდა ეხებოდეს ყელის მიდამოებს, ქვედა ნაწილი კი პირიქით, აუცილებლად უნდა შეეხოს თეძოებს.
იცით, როგორ უნდა იჯდეს მძღოლი საჭესთან?
You must log in to post a comment.